Mae swyddogion tân yn ansicr o hyd beth yn union achosodd dân difrifol mewn gwesty yng Ngwynedd ddydd Sadwrn.
Roedd swyddogion Gwasanaeth Tân ac Achub Gogledd Cymru wedi cael eu galw i’r tân yng Ngwesty Queens, Blaenau Ffestiniog toc wedi 11:00.
Bu tua 40 o ddiffoddwyr yn gweithio am dros wyth awr i ddod â’r tân dan reolaeth.
Roedd yr holl westeion a staff wedi gallu gadael yn ddiogel ar ôl i larymau ganu.
